1 moś ne i pŏr ne.
2 ŏχsar imi šowər imi ulləŋn̥.
3 imŏʟ(ti) χătla jis, rep werti pitsəŋən.
4 kimet χătl repəna χătəməti jŏχətsəŋn̥.
5 ŏχsar imi isa oləŋn̥ jăŋχilijl̥.
6 kăt χuləm pŭš olŋa jăŋχəs, šowr imel pela jastəl: "năŋ pa olŋa jăŋχa!"
7 šowr imi jastl: "ma olŋa ăt mănləm."
8 šowr imi jastl: "mălχatl śi olŋa jăŋχililn̥; tăm χătl mŭjen χŏti jis?"
9 wŭraja χojsəŋn̥.
10 itl jastəl: "năŋ olŋa măna!", itl jastəl: "naŋ olŋa măna!"
11 šowr imi kŭš χŏti kašli pušli lojlijəs, olŋa χătəməs.
12 rep kŭtpa ăt jŏχtəs, ŏχsar imijn̥ eʟ(ti)χătəməsa.
13 šăš lŏwəl šŏppi toχnəmtəs.
14 šowr imi ńawremŋən ăŋkan śi lawləssəŋn̥, śi lawləssəŋn̥ - isa ăntum!
15 ŏχsar imi pŭləp wŭsa nŏχ χuχsəŋn̥, illi pŭləp wŭs χŭwat watləŋn̥.
16 pŭt kawərl̥.
17 ŏχsar imi ńawremət ăratətel śaśl: "tăm sem wŏjen mănem miji, tăm sem wŏjen mănem miji!"
18 aŋkel ńawremlal pela śaśilijl̥: "nin ńawremŋəlal sem wŏjət lewati!"
19 pŭləp wŭs elti il ŏχəʟsəŋn̥, χoʟʟəman jesləman jŏχi mătsəŋn̥.
20 ŏpel apśel pela jastəl: "sorašək χŏtləmn̥!"
21 lin kŭnšəp wŭstən, leśtan wŭstən, tŭt kew wŭstən.
22 χŭw mătsəŋn̥, wan mătsəŋn̥, ŏχsar imi śi etəs.
23 ŏpel jŏχl ăŋkərtijəs: tăm χăś katllajtn̥, śi χăś katllajtn̥!
24 ŏpel kŭšpəl jŭwtəs.
25 min aremn̥ monśemn̥ jel ki mănəl, śiməś šik jŭχpi ut at tijəl, ńŏl aʟ ʟepəl, sem aʟ ʟepəl!
26 jŏχl ăŋkərtiltn̥ - šijəl ăntum.
27 ŏpel apśel pela jastəl: "χăśəs tăŋχa!"
28 jŏχli pa ăŋkərməstn̥, ŏχsar imi śi jital nila.
29 sŏχ peləklal ăl wotlajət.
30 tăm χăś katllajtn̥, śi χăś katllajtn̥.
31 ŏpel leśtanl̥ jŭwtəs.
32 min aremn̥ monśemn̥ jel ki mănl̥, śiməś un kew at tijl̥, oplʼa at χojl̥, turma at χojl̥!
33 jŏχl ăŋkərtiltn̥ - šijəl ăntum.
34 ŏpel apśel pela jastəl: "χăśəs tăŋχa!"
35 neməʟti χŭw ăntum us, pa etəs; ńalməl mŏr wŭša eslmal.
36 tăm χăś katllajtn̥, śi χăś katllajtn̥.
37 ŏpel jŏχi χăśəm tŭt kewl̥ jŭwtəs.
38 "min aremn̥ monśemn̥ jel ki mănl̥, śiməś un tŭt at tijl̥, turma at χojmal, oplʼa at χojmal!"
39 jŏχl ăŋkərtiltn̥ - ŏχsar imi šijəl ăntum.
40 ŏpel apśel pela jastəl: "śi χăśəs tăŋχa!"
41 ŏpel apśel lăkrəl elti il wŭsli, murəχ leti pitsəŋn̥.
42 χŭw lesŋən mŭj wan lesŋən, χŏjn̥ wantəm?
43 apśel ŭwti pitəs: "ŏpija, kŭr pušəχŋəlam lăp śi petsəŋn̥!"
44 ŏpel i jel murəχ lel.
45 neməʟ χŭw ăntum, apśel pa śi ŭwti pitəs: "ŏpija, ŏpija, ăntəp jŏla jŏχətsəm!"
46 ŏpel ăt ujətti χŏjat iti i jel murəχ lel.
47 neməʟ χŭw ăntum, apśel pa śi ŭwti pitəs: "ŏpija, ŏpija, sapəl tăŋarija jŏχətsəm, mănem nŏχ tali!"
48 ŏpel tŏχeʟ ăŋkərməs: jăna pa sapəl tăŋarija jŏχətmal!
49 tŏχi kŭš ăratəs, apśel il pentəmtəs.
50 χoʟʟəman jesləman ŏχəl χŏlta pitl, śi manl̥, seməl χŏlta watl, śi mănl̥.
51 măntal̥ săχat lijəm sŭmət aŋkəl măšəkən il χătśəsli.
52 pŏr ne imi tŭlta kim nawrməs.
53 ăŋka ne, ăŋka ne! χotem mŭja šŭkatsen?
54 jăχa piltəśsəŋn̥.
55 χŭw mătsəŋn̥, wan mătsəŋn̥, χŏjn̥ wantəm?
56 tŭwa jŏχətsəŋn̥.
57 pŏr ne imi moś neŋijel pela jastəl: "ăŋka ne, ăŋka ne, pewəlləmn̥!"
58 moś neŋijel jastəl: "kašem ăntum!"
59 - "mŭj mŭj kašen ăntum! eŋχəsije!"
60 pŏr ne imi eŋχəsijəs, jiŋka nawrməs.
61 moś neŋije kŭš χŏti kašli pušli lojlijəs, ăl pa eŋχəsiti śi pitəs.
62 lŭw tup jiŋk(a) ŏχləs, pŏr ne imi wŭti nawrməs, moś neŋijel woj săχət ńŏχəs săχət nŏχ χojəʟsəlli.
63 moś neŋijel wŭti kiləs: "mŭja ma săχlam lumətsəllan?"
64 pŏr ne imi lŭw karəŋ săχlal moś neŋəla wŏśkəsli.
65 moś neŋijel jastəl: "săχlam ti tŭwaln̥!"
66 pŏr ne imel jastəl: "śi săχlan lumta, ma ăt măllam."
67 moś neŋijel jastəl: "wŏlli ki ăt măllan - kijənn aj χir sŏχije jărman lojl̥, ti miji!"
68 - "ăŋka ne, ăŋka ne, tăm χir sŏχijen mŭja werlem? ta wŭji!"
69 moś neŋijel χir sŏχijel wŭjmal jŭpijn̥ iśi χŏrpi woj teln̥ ńŏχəs teln̥ lumətlʼijəs.
70 χŭw mătsəŋn̥, wan mătsəŋn̥, χŏjn̥ wantəm?
71 pŏr ne imi moś neŋijel pela jastəl: "śi mănləmn̥, mănləmn̥, woša jŏχətləmn̥. wošəŋ kurtəŋ iki pŏχŋən, tonton iki pŏχŋən kamən ńol jŭwtililtn̥."
72 pŏr ne imi moś neŋijel pela jastəl: "năŋ śăχa tonton iki pŏχ ńol wŭja, ma wošəŋ kurtəŋ iki pŏχ ńol wŭləm."
73 śi mătsəŋn̥, śi mătsəŋn̥, jăna pa woša etsəŋn̥.
74 tonton iki wošəŋ kurtəŋ iki pŏχŋən ńol jŭwtililtn̥ kamən.
75 pŏr ne imi wošəŋ kurtəŋ iki pŏχ ńol aleməti kŭš wŭtśijəs, moś neŋijeln̥ pŭŋla pŏtkəsa.
76 wošəŋ kurtəŋ iki pŏχ ńol moś neŋijeln̥ wŭsa; tonton iki pŏχ ńol pŏr ne imijn̥ wŭsa.
77 moś neŋije wošəŋ kurtəŋ iki χot owa mănəs.
78 wošəŋ kurtəŋ iki jŏln̥ ewilal pela śaśilijl̥: "mănati, ăńχan jŏχi lŏŋəltaln̥!"
79 moś neŋije kăt jošl elti aleməsa, jŏχi lŏŋəʟsa.
80 χŭw usət, wan usət; tonton iki wošəŋ kurtəŋ iki χota lŏŋəs i jastəl: "χălewət woš kerətti mosl!"
81 χălewta jis, pŏr ne imi χŏlam kel sewmal, woš i šupa tup tărməs.
82 moś neŋije śiməś kel sewmal, woš kăt χuləm pŭš tărməs lărətti.
83 χŭw usət, wan usət, moś neŋije pŏχn̥ jŏχətsa.
84 moś neŋije ŭpəl iki pela jastəl: "ma mălχa ti jŭwmemn̥ apśem mŭwa il lŏŋəʟsa; lotl watti jăχləm."
85 χălewta jis, ŭpəl ikijn̥ χuləm pŭt χuli χŏrpi χoptetn̥ kiʀsa.
86 pŏr ne imi ŭpəl ikijn̥ χuləm keʟśijn̥ kiʀsa; ŏmlepa lŏŋəlti wŭratla.
87 χŭw mătsəŋn̥, wan mătsəŋn̥, pŏr ne imi jastəl: "ma śi jŭwəm pătem."
88 in munti lijəm sŭmət akla il lŏŋeməs.
89 moś neŋije χŭw mănəs, wan mănəs, apśel il lŏŋəm lota jŏχtəs.
90 śiməś χot oməsʟ, ăl śŭlpijl̥, ăl χutlijl̥!
91 own̥ akarije ŏrijl̥ kenijl̥.
92 jŏln̥ i ne śaśilijl̥: "mănem mosti χŏjat ki, lośl tăχtel, jeŋkəl tăχtel ńŏlema, jŏχi pŏtki! mănem ăt mosti χŏjat ki, sejəl tăχti χišl tăχti mănši!"
93 moś neŋije akarijeln̥ lonśəl tăχtel jeŋkəl tăχtel ńŏleməsa, jŏχi pŏtkəsa.
94 jŏln̥ i ne jontəsman oməsl.
95 in neŋəln̥ inśəsla: "χŏʟśa jŏχtəm mojəŋ ne?"
96 moś neŋijel jastəl: "ma mălχa tŏχeʟ mănmemn̥ apśem mŭwa il lŏŋəʟsa."
97 in neŋəl jastəl: "apśi ki tăjsən - apśen χot tăm."
98 neməʟ χŭw ăntum us, kamən i χu śi jŏχətmal śaśl.
99 neməʟ χŭw ăntum us, i-pŏχije jŏχi răknəs!
100 χot kerətman kăt χuləm pŭš nawrmijəs, săχəl χŏʟ(ti) eχsəlli.
101 apśel ŏpel sapla ăpəʟmal, ăt ujətləlli; ŏpel apśel sapla ăpəʟmal, ăt ujətləlli.
102 ewəmlisət, mosltisət.
103 moś neŋije pŏχəl - mŭj χŭw ar χu moś χu enmeməs? - χuχətlʼiti lŏwata jis.
104 le-χujəln̥ śiməś ńoln̥ weʀsa: tijeʟ jŭwətləlli - luratl, tŏχeʟ jŭwətləlli - luratl!
105 χŭw usət, wan usət, moś neŋije apśel pela jastəl: "min pa min mŭw tăjləmn̥!"
106 - χălewta jis, moś neŋije apśeln̥ χuləm śăŋar χŏrpi χoptetn̥ kiʀsa.
107 ŏpel pela jastəl: "tăm χot petti unti jŏχli al ăŋkərma!"
108 moś neŋije śi mănəs, śi mănəs; artaləlli: χot pentəs.
109 jŏχli ăŋkərməs: olŋəl nilli, pătel nilli taś jil lŭw jŭpeln̥!
110 in munt tăχajəla jŏχtəs, pŏr ne imi kim nawrməs; χuləm kelśijn̥ jajlaln̥ kirəm.
111 woša etsəŋn̥.
112 tonton iki wošəŋ kurtəŋ iki kamən wŭraja χojləŋn̥.
113 tonton iki jastəl: "oləŋn̥ ma meńəm jil, ma jušema śi kerləl"; wošəŋ kurtəŋ iki jastəl: "oləŋn̥ ma meńəm jil, ma jušema śi kerləl."
114 juš jŏχartəna jŏχətsəŋn̥; moś neŋije wošəŋ kurtəŋ iki χot owa lojəs, pŏr ne imi tonton iki χot owa lojəs.
115 śi śŭńel χuleln̥ in ullət.