1 xuːlm̩ xuː aːj keːmjas.
2 xuːlm̩ xuː βeːlpəsləti xɔːtn̩ uːllət, neː xolije at tajlət.
3 aːpsʲeŋəlal βeːlpəsləti manləŋən, jaːjl̥ joln̩ xasʲl, βaːj βus jɔːtl, aːpsʲeŋəlal joxətti keːʃa leːt-ot βeːrl̥.
4 put βeːrtal saxat tut juxa kim eːtəs.
5 kaːmən xuːlm̩ xotəŋ xuːləs, sʲalta joxi xuːxəlməs.
6 joln̩ ɔːməstal saxat xuːlm̩ neː loŋəs.
7 neːlaln̩ nik nʲareməsa, xon patel kaːβrm̩ nʲoxijn̩ xɔːtsa aːn jukana.
8 aːpsʲeŋəlal joxətsəŋn̩, aːpsʲeŋəlal luβel jaːstəsŋən: "muja tut at allən? min isʲkijn̩ pɔːtsajmən!"
9 luβ jaːstəs: "putem il xompəlləs, xonem kaːβrm̩ən leːsa."
10 aːt ol̥sət, kimet xatl paː βeːlpəsləti manti poraja jis.
11 paː kutəp xuːjl̥ joln̩ xasʲl.
12 leːt-ot βeːrəl, βaːj jɔːntəsl, aːpsʲeŋəlal jaːjŋəlal joxətti keːʃa put βeːrəl.
13 paː tut juxa kim eːtl.
14 kaːmən xuːlm̩ xotəŋ uβal̥sət; luβ joxi manəs.
15 joln̩ ɔːməstal saxat xuːlm̩ neː loŋəs.
16 neːlaln̩ nik nʲareməsa, xon patel kaːβrm̩ nʲoxijn̩ xɔːtsa.
17 neːlal leːsət jeːʧəsət, kasr̩liti pitsət.
18 jotti taxa eːlti jeːʧəsət, matsət.
19 sʲalta aːpsʲeŋəlal jaːjŋəlal joxətsəŋn̩.
20 muja tut at allən? min isʲkijn̩ pɔːtsajmən!
21 - "maː kaːβrm̩ putn̩ xompəlləsajm̩!"
22 paː aːt ol̥sət, kimet xatla jis, paː βeːlpəsləti manti poraja jis.
23 kimet xatl xuːlm̩ xu̬ aːj keːmjas luβ joln̩ xasʲl, jaːjŋəlal βeːlpəsləti manləŋn̩.
24 jaːjŋəlal manti jupijn̩ jux eːlti aːn βeːrəl i lij βeːrəl, βaːj βus jɔːntəsl, jaːjŋəlal joxətti keːʃa leːt-ot βeːrəl.
25 tut jux loŋəlti kim eːtəs.
26 kaːmən lɔːjtal saxat xuːlm̩ xotəŋ uβətsət.
27 xuːlm̩ xu̬ aːj keːmjas joxi xuːxəlməs.
28 joln̩ ɔːməstal saxat xuːlm̩ neː joxi loksət.
29 neːlal loŋm̩ jupijn̩ xuːlm̩ xu̬ aːj keːmjas xuːsʲ numpija xuːŋxəs.
30 nuːmən paːβr̥̩ xuːl eːlti kim eːtəs.
31 neːlal xotəŋ xorət βus, puləp βusa nox xuːŋxəs.
32 neːlal xotəŋ xorət puləp βus eːlti tuta alləli; xotəŋ xorlal xolalət.
33 il xuːxəl̥l̥, neːlal xosʲa joxi loŋəl.
34 neːlal leːβman ɔːməssət.
35 luβ loŋmal jupijn̩ neːlal kim eːtməsət. xotəŋ xorlal βaːleməsət - antumət.
36 joxi paː loksət.
37 joxi loksət, xuːlm̩ xu̬ aːj keːmjas jaːstəs: "nin in xolti at manləti. jeːʃa uːl̥l̥, jaːjŋəlam joxətləŋn̩."
38 jeːʃa ɔːməstel saxat jaːjŋəlal uːt eːlti joxətsəŋn̩.
39 xuːlm̩ xu̬ aːj keːmjas jaːjŋəlal peːla potr̥̩l: "maː ninan kat neː tuːsm̩. in muŋ βaːj βus jɔːtti i leːt-ot βeːrti at pitluβ. muŋ tuːp βeːlpəsləti keːʃa uːlti pitluβ, aː neːluβ joln̩ leːt-ot i jɔːntəsti keːʃa uːlti pitlət."
40 sʲi βeːrel parm̩ jupijn̩ jeːʃa uːsət; paː jɔːxlal βeːlpəsləti manti poraja jis.
41 βeːlpəsləti mantel jeːlpijn̩ xuːlm̩ xu̬ aːj keːmjas neːlal peːla potr̥̩l: "nin sʲaxa muŋ manteβ jupijn̩ ʃeːk aːl jontati, tam kuːrteβ aːtm̩ βeːr tajl̥."
42 jɔːxlal matsət uːnta βeːlpəsləti, neːlal joln̩ xasʲsət.
43 jɔːxlal manm̩ jupijn̩ neːlal jotti pitsət.
44 jotmel jupijn̩ kaːmən juxət xeːr̥seməti pitsət.
45 aːj neːŋəl jaːstəl opeŋəlal peːla: "muːnti teːln̩ muŋeβ potr̥̩la: jotti at raxəl! muja nin ʃeːk jotlətn̩?"
46 jeːʃa uːltel saxat ɔːβ xɔːp joxi raknəs, laːpət oxpi meːk iki joxi eːtəs.
47 meːk iki neːlal peːla potr̥̩l: "nʲaːβremət, kasr̩liti pitluβ, xoj juːrəŋ. maː ki pitlajm̩, manem βeːlati; nin ki pitlajti, maː ninan tuːlm̩!"
48 meːt uːn neːŋəl kasr̩ləti ɔːpsəs, pitsa i meːk ikijn̩ sʲeːpa potsa.
49 paː kutəp neːŋəl ɔːpsəs, paː pitsa.
50 aːj neːŋəl ɔːpsəs, paː pitsa.
51 xolije meːk ikijn̩ sʲeːpa potsajət i meːk iki manəs.
52 jɔːxlal βeːlpəsləti tax eːlti joxi joxətsət - neːlal antumət.
53 xuːlm̩ xu̬ aːj keːmjas jaːjŋəlal peːla potr̥̩l: "maː neːlam kaʃti manlm̩. xuβ muj βaːn jaxlm̩ - joxi joxətlm̩!"
54 xuːlm̩ xu̬ aːj keːmjas leːsʲatijəs i manəs.
55 manti kulma pitəs, sʲi manəs, manəs.
56 aːj xɔːta eːtəs, joxi loŋəs.
57 joln̩ ij iki ɔːməsl, kaːrti paːβəl̥l̥.
58 in ikeln̩ insʲəsla: "xuːlm̩ xu̬ aːj keːmjas, naŋ xolta manlən, muj jeːrəpsən mosʲsən?"
59 - "maː neːlam tuːsajət, neːlam kaʃti manlm̩."
60 in ikel luβ peːlajəl jaːstəs: "neːlan xojn̩ tuːsajət?"
61 - "maː at uːjətlem."
62 - "neːlan laːpət oxpi meːk ikijn̩ tuːsajət. sʲalta xuːlmet xatl̥ən matsət."
63 xuːlm̩ xu̬ aːj keːmjas in ikel xosʲa oləs.
64 aːləŋ saxat nox kiləs, leːs jeːnsʲəs, paː jeːlli manti pitəs.
65 manti kulma pitəs, sʲi manəs, manəs.
66 paː i xɔːta eːtəs, joxi loŋəs; ij iki kaːrti paːβəl̥l̥.
67 in ikeln̩ insʲəsla: "xuːlm̩ xu̬ aːj keːmjas, xolta manlən?"
68 - "maː imilam tuːsajət, imilam kaʃti manlm̩."
69 in ikel jaːstəs: "imilan xojn̩ tuːsajət?"
70 - "maː at uːjətlem, xojn̩ tuːsajət."
71 - "imilan laːpət oxpi meːkən tuːsajət, maː eːltem βeːtmet xatl matsət."
72 xuːlm̩ xu̬ aːj keːmjas leːs jeːnsʲəs, il oləs.
73 aːt xɔːləs, aːləŋ saxat nox kiləs, paː jeːlli manti pitəs.
74 manti pata pitəs, sʲi manəs, manəs.
75 paː xuːlmet aːj xɔːta eːtəs.
76 aːj xɔːta joxtəs, joxi loŋəs; ij iki kaːrti paːβəl̥l̥.
77 in ikeln̩ insʲəsla: "xuːlm̩ xu̬ aːj keːmjas, naŋ xolta manlən?"
78 - "maː neːlam tuːsajət, neːlam kaʃti manlm̩."
79 - "neːlan xojn̩ tuːsajət?"
80 - "maː at uːjətlem."
81 - "neːlan laːpət oxpi meːkən tuːsajət. talta laːpətmet xatl eːtəs, laːpət oxpi meːk iki. naŋ xoti βeːrlen luβel? luβ xosʲajəl aːr xuː manilisət paː at βeːritsət."
82 - "ma xotasʲ manlm̩!"
83 in ikel xosʲa aːt xɔːləs, nox kiləs, paː manti pitəs.
84 in ikel luβel potr̥̩ti pitəs: "naŋ luβ xosʲajəl manlən, toxi joxətlən. laːpət oxpi meːk iki mit xuː tajl̥, mit xuːjəl neːməl lijəŋ laːŋki palat xuː. naŋ sʲaxa luβ xosʲajəla eːtlən, luβ xontati pitl. naŋ uβti pita: "maː lɔːmtm̩ xuː, lɔːmtm̩ xuː!" luβ lɔːjl̥ sʲaxa. luβ sʲiməsʲ kaːrti ʃuːp tajl̥; sʲi kaːrti ʃuːpl̥ juβətləli, juxət ʃukatl. manti pitlətn̩, naŋ kaːrti ʃuːpl̥ βuji. luβ jeːlʃək pitl, luβela juβti; luβ kaːrti ʃuːpəln̩ βeːlla. sʲalta lijəŋ laːŋki palat xuːja naŋ jiln̩. meːk xɔːta joxətlən; laːpət uːxəl teːl jux laːpət aːl teːla joxi loŋəltaln̩!"
85 xuːlm̩ xu̬ aːj keːmjas manti pitəs.
86 xuβ manəs, βaːn manəs, imoltijn̩ lijəŋ laːŋki palat xuː ʃijaləs.
87 lijəŋ laːŋki palat xuː luβel kaːsʲaləs, xontati βuʧijəs.
88 xuːlm̩ xu̬ aːj keːmjas uβti pitəs: "loja, lɔːja, aːl xonta! maː tapm̩ xuː, tapm̩ xuː!"
89 lijəŋ laːŋki palat xuː lɔːjəs.
90 xuːlm̩ xu̬ aːj keːmjas toxi joxtəs.
91 lijəŋ laːŋki palat xuː luβ peːlajəl potr̥̩l: "naŋ xolta manlən?"
92 - "maː naŋ kuːsʲajen xosʲa mit xuːja manti βuʧism̩, xolti lɔːmətsm̩. tam maː lɔːmətmem βeːtmet talem."
93 sʲalta jeːlli manti pitsəŋn̩.
94 xuːlm̩ xu̬ aːj keːmjas kaːrti ʃuːpəl luβ βusli i luβ aːl̥l̥əli.
95 lijəŋ laːŋki palat xuːjəl jeːʃa jeːlʃək pitəs; luβ kaːrti ʃuːpl̥ juβətsəli, lijəŋ laːŋki palat xuːjəl βeːl̥səli.
96 lijəŋ laːŋki palat xuːja luβ uːlti pitəs.
97 xuːlm̩ xu̬ aːj keːmjas meːk xɔːta joxtəs.
98 tut jux uːxəllal aːja seːβr̥̩səli, joxi jɔːβlsəli.
99 joxi loŋəs meːk iki xosʲa.
100 meːk ikijn̩ insʲəsla: "lijəŋ laːŋki palat xuː, maː mit xuːjem, leːt-ot βeːrti poraja jis!"
101 lijəŋ laːŋki palat xuː kim eːtəs, leːt-ot loŋəltəs, leːt-ot βeːrti pitəs.
102 putl jeːʧəs.
103 meːk ikel laːpətti pitsəli.
104 meːk ikel leːti puta kaːrti nʲaːnʲ peːlək eːsləs: put ɔːβl̥ βɔːjn̩ teːl xuβləsa.
105 meːk ikel uŋəl βus xuβat al ʃɔːʃəpsəli.
106 sʲi jupijn̩ paː neːlal leːt-otn̩ βeːrəs.
107 uːn neːŋəl jik βɔːxəs lijəŋ laːŋki palat xuː eːlti.
108 lijəŋ laːŋki palat xuː jiŋki uːmpi lipija luːjət eːslm̩təs.
109 uːn neːŋəln̩ moʃtəsa: xuːlm̩ xu̬ aːj keːmjas joxətmal!
110 neːlal meːk iki peːla jaːstələt: "muŋ xaleβət uːtləp juxa manluβ."
111 meːk ikeln̩ uːtləp juxa paːr̥sajət.
112 sʲi saxat lij xontalət.
113 neːlal manm̩ jupijn̩ lijəŋ laːŋki palat xuː meːk ikela leːt-ot paː βeːrti pitəs.
114 kaːβr̩t-ot loŋəltəs, puta mol̥səli; putl kaːβr̩məs.
115 putl jeːʧm̩ jupijn̩ talaŋ kaːrti nʲaːnʲ put ɔːβa eːsləs: put ɔːβl̥ aːj βɔːjn̩ teːl xuβləsa.
116 meːk ikel uŋəl βus xuβat al ʃɔːʃm̩ti pitsəli.
117 meːk ikel laːpətmal jupijn̩ βɔːjlaln̩ oʃli paːβətsa.
118 meːk ikel oʃli pitəs.
119 sʲalta nuːmən laːpət keːʃi i panʲarn̩ illi eːslman lɔːjlət.
120 xuːlm̩ xu̬ aːj keːmjas βaːsʲ sʲoxri βus, in keːʃilal il eːβətməsli.
121 laːpət oxpi meːk iki oxlal aːtel̥ seːβr̥̩sajət. xuːlm̩ xu̬ aːj keːmjas jaːstəs: "maː xuβn̩ joxətsm̩, lijəŋ laːŋki palat xuːjen paː xuβn̩ βeːl̥sem i naŋen βeːl̥sm̩ in."
122 xuːlm̩ xu̬ aːj keːmjas kim naːβr̩məs, xontati pitəs.
123 laːpət oxpi meːk iki pɔːrəx ʃuːpl̥ paː luβ jupeln̩ nʲuːxləsl.
124 xuːlm̩ xu̬ aːj keːmjas sʲi manəs, manəs, molxa xɔːtəla joxtəs.
125 in pɔːrəx ʃuːpəl paː luβ jupeln̩ nʲuːxləsl.
126 joxi loŋəs, molxa ikel kaːrti porlʲet βeːrmal.
127 meːk ikel pɔːrəx ʃuːp kaːrti porlʲijn̩ lɔːsʲsəli.
128 xuːlm̩ xu̬ aːj keːmjas paː jeːlli xontati pitəs.
129 pɔːrəx ʃuːpəl paː luβ jupeln̩ jil.
130 kimet xɔːta paː joxtəs.
131 sʲita paː kaːrti porlʲet leːsʲatm̩ət.
132 meːk ikel pɔːrəx paː kaːrti porlʲijn̩ lɔːsʲsa.
133 paː βeːβa jis.
134 xuːlm̩ xu̬ aːj keːmjas paː jeːlli xontati pitəs.
135 xuːlmet xɔːta joxtəs; meːk iki xolna jil.
136 xuːlm̩ xu̬ aːj keːmjas xolije neːlal sʲi xɔːta joxətmel.
137 sʲi xɔːtn̩ kaːrti puːn leːsʲatm̩.
138 meːk pɔːrəx ʃuːpl̥ paː sʲi joxtəs.
139 meːk pɔːrəx ʃuːpl̥ kaːrti puːn lipija potsel, aːr xojatn̩ aːsa tuːsel, jiŋka eːslsel.
140 xuːlm̩ xu̬ aːj keːmjas neːlal βus, joxi manti pitəs.
141 kaːrti βeːrm̩ pirəsʲ ikilal jaːstələt: "kaːtra aːsʲi aːŋki ki tajsən, aːsʲilan aːŋkilan luːŋxət muŋ. naŋ joxi joxətlən; muŋeβ xoti βaːtsən, sʲi sʲirn̩ pɔːri aːnn pɔːri putn̩ βeːrilijaln̩, muŋeβ aːl joremaln̩!"
142 sʲi jaːsŋəl parəs, xuːlm̩ xu̬ aːj keːmjas neːlal βus i neːlal piln̩ joxi manti pitəs.
143 sʲi matsət, matsət; xuβ matsət, βaːn matsət, joxi joxətsət.
144 joxi joxətmel jupijn̩ xuːlm̩ xu̬ aːj keːmjas jaːjŋəlal imeŋən jaːjŋəlala masli, luβ imel luβ βusli, i jeːlli uːlti pitsət. xuːlm̩ xu̬ aːj keːmjas jaːstəs: "ninan sutitti mɔːsl!"
145 uːn neːŋel aːr xuːjn̩ βusel, sʲi seːksel, seːksel - xanʃaŋ keːβ pul kim raknəs.
146 paː kutəp neːŋel seːkti pitsət - kutəp neːŋel eːlti noβi keːβ pul kim raknəs.
147 meːt aːj neːŋel seːksel, seːksel - isa βeːsʲkat.
148 xuːlm̩ xu̬ aːj keːmjas imel βus, imel piln̩ aːs nikli manəs.
149 kutləp xuːjl̥ imel βus, aːs noxli manəs.
150 uːn xuːjl̥ imel βus, keːβ peːla manəs.