1 mɔːsʲ neː i por neː.
2 oxsar imi ʃɔːβr̩ imi uːlləŋn̩.
3 imol̥(ti) xatla jis, reːp βeːrti pitsəŋən.
4 kimet xatl reːpəna xatm̩əti joxətsəŋn̩.
5 oxsar imi isa ɔːləŋn̩ jaŋxilijl̥.
6 kat xuːlm̩ puʃ ɔːlŋa jaŋxəs, ʃɔːβr imel peːla jaːstəl: "naŋ paː ɔːlŋa jaŋxa!"
7 ʃɔːβr imi jaːstl: "maː ɔːlŋa at manlm̩."
8 ʃɔːβr imi jaːstl: "malxatl sʲi ɔːlŋa jaŋxililn̩; tam xatl mujen xoti jis?"
9 βuraja xɔːjsəŋn̩.
10 itl jaːstəl: "naŋ ɔːlŋa mana!", itl jaːstəl: "naːŋ ɔːlŋa mana!"
11 ʃɔːβr imi kuʃ xoti kaːʃli puːʃli lɔːjlijəs, ɔːlŋa xatm̩əs.
12 reːp kutpa at joxtəs, oxsar imijn̩ eːl̥(ti)xatm̩əsa.
13 ʃaʃ loβəl ʃoppi tɔːxnm̩təs.
14 ʃɔːβr imi nʲaːβremŋən aŋkan sʲi laːβləssəŋn̩, sʲi laːβləssəŋn̩ - isa antum!
15 oxsar imi puləp βusa nox xuːxsəŋn̩, illi puləp βus xuβat βaːtləŋn̩.
16 put kaːβr̩l̥.
17 oxsar imi nʲaːβremət aratətel sʲaːsʲl: "tam seːm βojen manem miji, tam seːm βojen manem miji!"
18 aːŋkel nʲaːβremlal peːla sʲaːsʲilijl̥: "nin nʲaːβremŋəlal seːm βojət leːβati!"
19 puləp βus eːlti il oxəl̥səŋn̩, xɔːl̥l̥m̩an jeːslm̩an joxi matsəŋn̩.
20 opel aːpsʲel peːla jaːstəl: "soraʃək xotlm̩n̩!"
21 lin kunʃəp βustən, leːsʲtan βustən, tut keːβ βustən.
22 xuβ matsəŋn̩, βaːn matsəŋn̩, oxsar imi sʲi eːtəs.
23 opel joxl aŋkr̩tijəs: tam xasʲ kaːtllajtn̩, sʲi xasʲ kaːtllajtn̩!
24 opel kuʃpəl juβtəs.
25 min aːremn̩ mɔːnsʲemn̩ jeːl ki manəl, sʲiməsʲ ʃik juxpi uːt aːt tijəl, nʲol aːl̥ l̥eːpəl, seːm aːl̥ l̥eːpəl!
26 joxl aŋkr̩tiltn̩ - ʃijəl antum.
27 opel aːpsʲel peːla jaːstəl: "xasʲəs taŋxa!"
28 joxli paː aŋkr̩məstn̩, oxsar imi sʲi jital nila.
29 sox peːləklal al βɔːtlajət.
30 tam xasʲ kaːtllajtn̩, sʲi xasʲ kaːtllajtn̩.
31 opel leːsʲtanl̥ juβtəs.
32 min aːremn̩ mɔːnsʲemn̩ jeːl ki manl̥, sʲiməsʲ uːn keːβ aːt tijl̥, ɔːplʲa aːt xɔːjl̥, tuːrma aːt xɔːjl̥!
33 joxl aŋkr̩tiltn̩ - ʃijəl antum.
34 opel aːpsʲel peːla jaːstəl: "xasʲəs taŋxa!"
35 neːməl̥ti xuβ antum uːs, paː eːtəs; nʲaːlməl mor βuʃa eːslmal.
36 tam xasʲ kaːtllajtn̩, sʲi xasʲ kaːtllajtn̩.
37 opel joxi xasʲm̩ tut keːβl̥ juβtəs.
38 "min aːremn̩ mɔːnsʲemn̩ jeːl ki manl̥, sʲiməsʲ uːn tut aːt tijl̥, tuːrma aːt xɔːjmal, ɔːplʲa aːt xɔːjmal!"
39 joxl aŋkr̩tiltn̩ - oxsar imi ʃijəl antum.
40 opel aːpsʲel peːla jaːstəl: "sʲi xasʲəs taŋxa!"
41 opel aːpsʲel lakrəl eːlti il βusli, muːrəx leːti pitsəŋn̩.
42 xuβ leːsŋən muj βaːn leːsŋən, xojn̩ βaːntm̩?
43 aːpsʲel uβti pitəs: "opija, kur puːʃəxŋəlam lap sʲi peːtsəŋn̩!"
44 opel i jeːl muːrəx leːl.
45 neːməl̥ xuβ antum, aːpsʲel paː sʲi uβti pitəs: "opija, opija, antəp jola joxətsm̩!"
46 opel at uːjətti xojat iti i jeːl muːrəx leːl.
47 neːməl̥ xuβ antum, aːpsʲel paː sʲi uβti pitəs: "opija, opija, saːpəl taŋarija joxətsm̩, manem nox taːli!"
48 opel toxel̥ aŋkr̩məs: jana paː saːpəl taŋarija joxətmal!
49 toxi kuʃ aratəs, aːpsʲel il peːntm̩təs.
50 xɔːl̥l̥m̩an jeːslm̩an oxəl xolta pitl, sʲi maːnl̥, seːməl xolta βaːtl, sʲi manl̥.
51 mantal̥ saxat lijm̩ sumət aːŋkəl maʃəkən il xaʧəsli.
52 por neː imi tulta kim naːβrməs.
53 aŋka neː, aŋka neː! xɔːtem muja ʃukatsen?
54 jaxa piltəsʲsəŋn̩.
55 xuβ matsəŋn̩, βaːn matsəŋn̩, xojn̩ βaːntm̩?
56 tuβa joxətsəŋn̩.
57 por neː imi mɔːsʲ neːŋijel peːla jaːstəl: "aŋka neː, aŋka neː, peːβəllm̩n̩!"
58 mɔːsʲ neːŋijel jaːstəl: "kaːʃem antum!"
59 - "muj muj kaːʃen antum! eːŋxəsije!"
60 por neː imi eːŋxəsijəs, jiŋka naːβrməs.
61 mɔːsʲ neːŋije kuʃ xoti kaːʃli puːʃli lɔːjlijəs, al paː eːŋxəsiti sʲi pitəs.
62 luβ tuːp jiŋk(aː) oxləs, por neː imi βuti naːβrməs, mɔːsʲ neːŋijel βɔːj saxət nʲoxəs saxət nox xɔːjəl̥səlli.
63 mɔːsʲ neːŋijel βuti kiləs: "muja maː saxlam luːmətsəllan?"
64 por neː imi luβ kaːrəŋ saxlal mɔːsʲ neːŋəla βosʲkəsli.
65 mɔːsʲ neːŋijel jaːstəl: "saxlam ti tuβaln̩!"
66 por neː imel jaːstəl: "sʲi saxlan luːmta, maː at mallam."
67 mɔːsʲ neːŋijel jaːstəl: "βolli ki at mallan - kijənn aːj xir soxije jarman lɔːjl̥, ti miji!"
68 - "aŋka neː, aŋka neː, tam xir soxijen muja βeːrlem? taː βuji!"
69 mɔːsʲ neːŋijel xir soxijel βujmal jupijn̩ isʲi xorpi βɔːj teːln̩ nʲoxəs teːln̩ luːmətlʲijəs.
70 xuβ matsəŋn̩, βaːn matsəŋn̩, xojn̩ βaːntm̩?
71 por neː imi mɔːsʲ neːŋijel peːla jaːstəl: "sʲi manlm̩n̩, manlm̩n̩, βɔːʃa joxətlm̩n̩. βɔːʃəŋ kuːrtəŋ iki poxŋən, tɔːnton iki poxŋən kaːmən nʲɔːl juβtililtn̩."
72 por neː imi mɔːsʲ neːŋijel peːla jaːstəl: "naŋ sʲaxa tɔːnton iki pox nʲɔːl βuja, maː βɔːʃəŋ kuːrtəŋ iki pox nʲɔːl βulm̩."
73 sʲi matsəŋn̩, sʲi matsəŋn̩, jana paː βɔːʃa eːtsəŋn̩.
74 tɔːnton iki βɔːʃəŋ kuːrtəŋ iki poxŋən nʲɔːl juβtililtn̩ kaːmən.
75 por neː imi βɔːʃəŋ kuːrtəŋ iki pox nʲɔːl aːleməti kuʃ βuʧijəs, mɔːsʲ neːŋijeln̩ puŋla potkəsa.
76 βɔːʃəŋ kuːrtəŋ iki pox nʲɔːl mɔːsʲ neːŋijeln̩ βusa; tɔːnton iki pox nʲɔːl por neː imijn̩ βusa.
77 mɔːsʲ neːŋije βɔːʃəŋ kuːrtəŋ iki xɔːt ɔːβa manəs.
78 βɔːʃəŋ kuːrtəŋ iki joln̩ eːβilal peːla sʲaːsʲilijl̥: "manati, anʲxan joxi loŋəltaln̩!"
79 mɔːsʲ neːŋije kat jɔːʃl eːlti aːleməsa, joxi loŋəl̥sa.
80 xuβ uːsət, βaːn uːsət; tɔːnton iki βɔːʃəŋ kuːrtəŋ iki xɔːta loŋəs i jaːstəl: "xaleβət βɔːʃ keːrətti mɔːsl!"
81 xaleβta jis, por neː imi xolam keːl seːβmal, βɔːʃ i ʃuːpa tuːp tarməs.
82 mɔːsʲ neːŋije sʲiməsʲ keːl seːβmal, βɔːʃ kat xuːlm̩ puʃ tarməs larətti.
83 xuβ uːsət, βaːn uːsət, mɔːsʲ neːŋije poxn̩ joxətsa.
84 mɔːsʲ neːŋije upəl iki peːla jaːstəl: "maː malxa ti juβmemn̩ aːpsʲem muβa il loŋəl̥sa; lɔːtl βaːtti jaxlm̩."
85 xaleβta jis, upəl ikijn̩ xuːlm̩ put xuːli xorpi xɔːptetn̩ kir̥sa.
86 por neː imi upəl ikijn̩ xuːlm̩ keːl̥sʲijn̩ kir̥sa; omlepa loŋəlti βuratla.
87 xuβ matsəŋn̩, βaːn matsəŋn̩, por neː imi jaːstəl: "maː sʲi juβm̩ patem."
88 in muːnti lijm̩ sumət aːkla il loŋeməs.
89 mɔːsʲ neːŋije xuβ manəs, βaːn manəs, aːpsʲel il loŋm̩ lɔːta joxtəs.
90 sʲiməsʲ xɔːt ɔːməsl̥, al sʲulpijl̥, al xuːtlijl̥!
91 ɔːβn̩ aːkarije orijl̥ keːnijl̥.
92 joln̩ i neː sʲaːsʲilijl̥: "manem mɔːsti xojat ki, lɔːsʲl taxtel, jeːŋkəl taxtel nʲolema, joxi potki! manem at mɔːsti xojat ki, seːjəl taxti xiʃl taxti manʃi!"
93 mɔːsʲ neːŋije aːkarijeln̩ lɔːnsʲəl taxtel jeːŋkəl taxtel nʲoleməsa, joxi potkəsa.
94 joln̩ i neː jɔːntəsman ɔːməsl.
95 in neːŋəln̩ insʲəsla: "xol̥sʲa joxtm̩ mɔːjəŋ neː?"
96 mɔːsʲ neːŋijel jaːstəl: "maː malxa toxel̥ manmemn̩ aːpsʲem muβa il loŋəl̥sa."
97 in neːŋəl jaːstəl: "aːpsʲi ki tajsən - aːpsʲen xɔːt tam."
98 neːməl̥ xuβ antum uːs, kaːmən i xuː sʲi joxətmal sʲaːsʲl.
99 neːməl̥ xuβ antum uːs, i-poxije joxi raknəs!
100 xɔːt keːrətman kat xuːlm̩ puʃ naːβrmijəs, saxəl xol̥(ti) eːxsəlli.
101 aːpsʲel opel saːpla apəl̥mal, at uːjətləlli; opel aːpsʲel saːpla apəl̥mal, at uːjətləlli.
102 eːβm̩lisət, mɔːsltisət.
103 mɔːsʲ neːŋije poxəl - muj xuβ aːr xuː mɔːsʲ xuː eːnmeməs? - xuːxətlʲiti loβata jis.
104 leː-xuːjəln̩ sʲiməsʲ nʲɔːln̩ βeːr̥sa: tijel̥ juβətləlli - luːratl, toxel̥ juβətləlli - luːratl!
105 xuβ uːsət, βaːn uːsət, mɔːsʲ neːŋije aːpsʲel peːla jaːstəl: "min paː min muβ tajlm̩n̩!"
106 - xaleβta jis, mɔːsʲ neːŋije aːpsʲeln̩ xuːlm̩ sʲaŋar xorpi xɔːptetn̩ kir̥sa.
107 opel peːla jaːstəl: "tam xɔːt peːtti uːnti joxli aːl aŋkr̩ma!"
108 mɔːsʲ neːŋije sʲi manəs, sʲi manəs; aːrtaləlli: xɔːt peːntəs.
109 joxli aŋkr̩məs: ɔːlŋəl nilli, patel nilli taːsʲ jil luβ jupeln̩!
110 in muːnt taxajəla joxtəs, por neː imi kim naːβrməs; xuːlm̩ keːlsʲijn̩ jaːjlaln̩ kirm̩.
111 βɔːʃa eːtsəŋn̩.
112 tɔːnton iki βɔːʃəŋ kuːrtəŋ iki kaːmən βuraja xɔːjləŋn̩.
113 tɔːnton iki jaːstəl: "oləŋn̩ maː meːnʲm̩ jil, maː juːʃema sʲi keːrləl"; βɔːʃəŋ kuːrtəŋ iki jaːstəl: "oləŋn̩ maː meːnʲm̩ jil, maː juːʃema sʲi keːrləl."
114 juːʃ joxartəna joxətsəŋn̩; mɔːsʲ neːŋije βɔːʃəŋ kuːrtəŋ iki xɔːt ɔːβa lɔːjəs, por neː imi tɔːnton iki xɔːt ɔːβa lɔːjəs.
115 sʲi sʲunʲel xuːleln̩ in uːllət.