1 joxanəŋ iki.
2 jeːməŋ nʲol paː βɔːʃ luːx xojn̩ sʲanʲa jɔːxn̩ at uːjətlajtn̩?
3 maʃ oβ kuːr̥ numpijn̩, xuːlm̩ joxan xorkemən, xɔːr lɔːra nik meːʧatman kat uːn uːt nʲol tajŋən ɔːməsləŋn̩.
4 lɔːrəl toβetn̩ sʲikem uːn uːlʲlʲijəl, paː peːlək xaʃlal tuːp tuːp seːm tajən nilajət.
5 jeːməŋ nʲola i βɔːʃ luːxa kaːʃəŋ toβ sʲanʲa jɔːx pɔːriliti jirasti xɔːjlilət.
6 tajtaŋʃək jɔːx jirasti xɔːjlilət, at tajtaŋʃək jɔːx pɔːriliti xɔːjlilət.
7 moxti mantikem xuːjem aːn ʃuːp taxti ɔːpsm̩tijl̥, aːn ʃuːp taxti at ɔːpsm̩titikem xuːjem ox juβətl.
8 maː imolti toβ xaʃti xuː piln̩ xul βeːrətn̩ kuːrtət xuβat matsm̩ən.
9 at laːβləsman rɔːman βɔːʃ luːxa jɔːx pɔːriliti taxaja joxətsm̩n̩.
10 sumət nʲol eːlti xɔːr lɔːra eːtsm̩n̩.
11 βɔːt, jeːr̥, lɔːsʲ, ʃuβ, neːməlti taxa at nila.
12 βɔːʃ luːxa xoti mɔːsl βɔːt kutn̩ βaːŋkr̥̩sm̩n̩.
13 jeːr̥ti i lɔːsʲ pitti taxa eːlti βolijəs.
14 βɔːtl sʲikem taːka jis, xɔːr lɔːr isʲi matti xaleβn̩ laːtm̩; xuplal sʲikem uːnət, xɔːt loŋəl iti arəklət.
15 βɔːʃ luːxa joxətsm̩n̩, i xuː joln̩ antum.
16 kuʃ mati imi isʲmilmən, jɔːx xolta matsət - neːməlti imi lil ʃuβ at laːll!
17 sʲiti xolti kaːritemn̩ saxat joxan taj neː kuʃ xoti sʲukənlijəs, al paː potr̩ ɔːləŋ sʲi βus: "joxluβ βɔːʃ luːxa pɔːriliti matsət."
18 min peːlajemn̩ jaːstəl: "jox mɔːslət ki, nʲaːβremən aːt tuːlajtn̩."
19 sʲikemən min jaːstəlmən: "βoʃ luːx i jux xuːləl luŋti uːjətlemn̩. neːmlti nʲaːβrem at mɔːsl, min manlm̩n̩."
20 toxi jɔːx pɔːriliti taxaja joxətsm̩n̩, βuti kaːtlsm̩n̩, xɔːpemn̩, luːplm̩n̩ mujlm̩n̩ βolaŋa leːsʲatsm̩n̩.
21 min toxi joxətmemən̩n̩ βolaŋʃək jɔːx joxətmel, al aːjm̩ kitm̩ jɔːx itn̩ katən̩n̩ βeːl̥sʲi joxtiliti pitsət.
22 jɔːx xosʲa joxətsm̩n̩, βusʲa mujn̩ βeːr̥sm̩n̩.
23 pɔːriliti jɔːx uːn tut ponmel, tutel keːrətman aktəsʲmel.
24 kaːʃəŋ xuː luβ βeːrl̥ βeːrl̥.
25 xoj xuːjem leːr βeːrl̥, xoj xuːjem sʲɔːl nʲoxr̩l̥, xoj xuːjem oləl; aːritikem xuːjem aːrijl̥, mɔːsʲtikem xuːjem mɔːsʲl.
26 xuːlm̩ uːn keːβ put nik taxr̩tm̩ət.
27 xuːlm̩ lɔːβ xorpi xɔːpti mis sox laːk keːln̩ sumta jarm̩ət.
28 jaləp nʲuːləŋ nʲal lolpijn̩ joxanəŋ iki ɔːməsl: uːlm̩ xuː nuːpət eːlti aktm̩ jeːrmakn̩ luːməttm̩ kuβsʲəŋ xuː kulat.
29 nox luːmətti at leːpm̩ soxlal lipasʲa ponm̩ət.
30 kat peːlək eːlti kat xuːjn̩ laːβəlla.
31 puŋəl xuːja βaːna manti at raxəl.
32 i oʧam aːj nʲaːβrem luːx iki xɔːp sʲuŋarija ɔːpsəs, in xuːjŋən̩n̩ sʲalta juβətsa, jeːl puβman larijəs.
33 jɔːx min joxətmemən̩n̩ xuβ βaːnən ox jarmel.
34 aːj xuːl sʲikem aːr oxn̩ jarm̩, nuβlal il meːnlamel.
35 oxət jarm̩ət jupijn̩ aːnət ɔːməssajət.
36 sʲiti xolti kaːriteβ saxat tʲɔːtʲi iki jaːstəl: "jaː jɔːx, sʲar̥ti mɔːsl, matti jɔːxlən aːt ɔːməslət sʲar̥ti!"
37 mir i uŋəln̩ nʲuːxəpsət: "joxan taj aːj pilip pox paː tʲɔːtʲi pox sʲar̥ti aːt ɔːməsləŋn̩!"
38 tʲɔːtʲi pox kuʃ xoti sʲukənlijəs, al paː mir juːrən sʲi ɔːpsəs sʲar̥ti.
39 mir kut eːlti it sʲaːsʲilijəl: "xoti, mujen xoti jis tam xatl? paː molti xatlətn̩ paːr̥lajən muj antum, tuːp taːsʲ moxti ɔːməslən!"
40 sʲikemən tʲɔːtʲi pox jaːstəl: "rusʲŋən lɔːjləŋn̩! puŋla paːr̥ti muj aːtm̩."
41 jɔːx jaːstələt: "rusʲŋən naŋ xosʲajen xuːn kunʃeməltn̩? lin lɔːjtan taxajən lɔːjləŋn̩."
42 tʲɔːtʲi pox sʲi sʲartəs, sʲartəs, mir peːla keːrləs, jaːstəl: "jox! maː xuːlm̩ βuli xuːlm̩ taxaja aːl̥səllam: xanʃaŋ xɔːptem jeːməŋ nʲoləŋ iketa aːl̥sem; noβi xɔːptem joxanəŋ ikija aːl̥sem; piti xɔːptem kur ilpi ikija aːl̥sem. maː sʲi jeːʧəsm̩", tʲɔːtʲi pox nʲuːxməs.
43 joxan taj aːj pilip pox sʲar̥ti paː ɔːpsəs, put siskem sʲartəs.
44 isʲi potr̩n̩ potr̥̩l, muj tʲɔːtʲi pox potr̩təs.
45 joxan taj aːj pilip pox jeːʧm̩ jupijn̩ aːnət βusajət; aːnət βujm̩ət jupijn̩ sɔːrm̩ nʲoxet βusajət.
46 βulet xorti pitsajət. tʲɔːtʲi pox mir kut eːlti luːx oxsari kar teːli teːln̩ βulet lʲeːpa morxəsl.
47 in oxsari kar teːllal βuli saːpəl moxti aːlemilli.
48 kaːʃəŋ puʃ aːlemitaln̩ noxli tuːrm̩ peːla pɔːjkasʲman uβaltijl̥.
49 luβ uβti sʲirəln̩ paː jɔːx paː uβlət.
50 βulet xaʧəti sʲi leːsʲatsajət.
51 xaʧətet jeːlpijn̩ laːpət puʃ noxli tuːrm̩ peːla uβaltisət.
52 βulet isa nʲaːra pitm̩ jupijn̩ jeːməŋ juxət βurn̩ teːpsajət; joxanəŋ iki paː βurn̩ nʲosətsa βeːʃ peːlkəl.
53 xuːlm̩ uːn keːβ put kat puʃn̩ nik taxr̩təsajət.
54 nʲaːr nʲoxet ɔːr̥sajət; put jeːʧəs, putəŋ nʲoxet ɔːr̥sajət.
55 nʲaːr nʲoxijn̩ kaːʃəŋ xuː xuːlm̩ puln̩ pitilisa, kaːβr̩tm̩ nʲoxijn̩ nʲal puln̩ pitilisa.
56 xoj ʃiməl leːtikem xuːjem, tarəpsa; xoj leːβəpsajəŋkem jɔːx, isʲi xuː xoraslaln̩ nox lɔːjsət.
57 xatl leːla βolli jis.
58 xorm̩ soxət xol joxanəŋ iki lʲeːpa i oxn̩ potsajət.
59 joxi xasʲm̩ aːnət βujm̩ jupijn̩ kujəp xɔːʃməl̥sa. sʲaːnʲka jaːstəl: "jaː jɔːx, kujəp jeːʧəs; xojn̩ seːkla?"
60 mir i uŋəln̩ nʲuːxəpsət: "oβ ɔːləŋ pilip ikijn̩ aːt seːkla!"
61 pilip iki kujəp seːkti ɔːpsəs. kima jaːstəl: "naŋ jɔːxlan pɔːjkilijaln̩! sʲi loβat jam aːt βeːrlət, muŋeβ aːt eːsəlləllal! βɔːt xuːn peːla il pitl? xuːn uːsʲ joxətl, sɔːra muj aːjlta? luŋən xul βeːlluβ muj antum? muŋ tuβm̩ βuliluβ joxanəŋ ikija raxsət muj antum? paː puʃ paː ti joxətteβ uːnti tum-taːka aːt uːlluβ!"
62 oβ ɔːləŋ pilip iki sʲi sʲar̥ti pitəs.
63 keːjti βuʧijəl, paː βolijəl, paː keːjti βuʧijəl, paː βolijəl.
64 meːt juːxət keːj ɔːləŋ βus.
65 pilip iki sʲi sʲartəs, sʲartəs, mir peːla keːrləs.
66 jɔːx jaːstələt: "jaː xoti, jɔːxlan muj jaːstələt?"
67 pilip iki jaːstəl: "βot paː xatlkemən il pitl muj antum, oʃ antum. uːsʲ pulŋaβətkema joxətmal."
68 sʲɔːl nʲoxrm̩kem xuːjem sʲɔːl nʲoxr̩ti taxa eːlti βolijəs, leːr βeːrm̩kem xuːjem leːr βeːrm̩ taxa eːlti βolijəs; isa ʃitamət, neːmlti palʲəŋ sij antum!
69 mir kutn̩ sʲikemən i xuː sʲaːsʲilijl̥: "βot xuːn il pitl, torli jaːstəti muj aːtm̩?"
70 sʲi jaːsəŋn̩ oβ ɔːləŋ pilip iki at uːjətti xuː iti nox lɔːjəs.
71 xuːt laːpətkem xuː sʲar̥ti ɔːpsilijəs.
72 isa kati kutija potr̥̩lət: "βot paː xatlkem il pitl muj antum, oʃ antum!"
73 isa sʲar̥ti taxa eːlti jeːʧm̩el jupijn̩ joxanəŋ iki jaːŋ xuːjn̩ nik pitara xoti mɔːsl taːl̥sa.
74 in nʲal lolpi jik sʲaːr eːlti tuːp uːsʲl.
75 xaleβta jis.
76 aːləŋ saxat nox kilmeβn̩ naːj tuːp βurtel eːtmal.
77 in imi-leːŋket ʃuʃ-poʃəx iti eːslisʲilət leːtot leːsʲatman.
78 jɔːx paː sʲi xolti aktəsʲlət.
79 tut xɔːt patilal sʲeːl ox kaʃtel eːlti moxti putləsət!
80 xota uβətti xuːjem sʲita uβətl sʲeːl ox kaʃman.
81 in imi-leːŋket sʲeːl ox uːrəŋn̩ aːpr̩lija tuβm̩ət paː sʲisʲki poʃəx jaxti taxa eːlti jaxlət.
82 kaːʃəŋ xuː tajmalkemən luːmətlʲm̩al; at tajm̩kem xuːjem jeːlta sʲɔːs keːʃa luːmətmal.
83 tuːp naːj pala jis muj antum, jɔːx lɔːjəpsət, tuːp i kur tajsət.
84 xɔːpən xota kumreməti xuːjem sʲita kumreməl.
85 muj xuβ aktesʲeməsət.
86 put siskemən kaːʃəŋ xuː luβ jukan taxajəln̩ uːs.
87 kaːjka leːlm̩kem xuːjem kaːjka leːləs, βeːt lolpija leːlm̩kem xuːjem βeːt lolpija leːləs.
88 xoj xolta nopsəl pitəs, sʲi leːləs.
89 xolta sʲi loβatn̩ aktəsʲlət, minemn̩ sus patlam aːt xorpi.
90 xaʃti xuː uβaltəs: "juxur, ti jaŋxa saː, molti βeːr uːl̥l̥!"
91 xaʃti xuːjn̩ juxur isʲməsa: "xolta sʲi loβatn̩ aktəsʲləti?"
92 sʲikemən juxur nʲaxmanʃək nʲuːxməs: "naŋ aːl̥ taŋxa uːjətlen, tam xatlətn̩ sʲanʲa jɔːx xuːsʲl pala jitikemn̩ xolta aktisʲilət!"
93 xaʃti xuː at uːjətti xuː jukana i jeːl kaːraləlli.
94 meːt juːxət luβ muj uːjətti βuʧijəs, oʃa paːβətsəlli.
95 in jɔːx leːləpsət, sʲiti kasman matsət; lɔːrn̩ tuːp βeːt puʃ lareməsət.
96 luβ manmel jupijn̩ min luːxəssakŋən kaːʃ kaʃman paːn xuβat nʲɔːl juβət(ti) naːk uːnti matsm̩n̩.
97 nʲɔːl juβət naːŋka βaːnamm̩emn̩kemən naːməlta min peːlajemn̩ uβ sʲi ponm̩ sʲaːsʲl: "xom xinʲ βeːrm̩li βurəŋ samŋən, muja jeːməŋ taxaja jistn̩, xojn̩ nin ti βɔːxsajtn̩ jeːməŋ taxaja?"
98 min at uːjətti xuː jukana i jeːl ʃuːʃlm̩n̩.
99 meːt juːxət uβəs, uβəs, sʲi βeːβ sʲi eːsləs.
100 sʲikemən sʲaːsʲilijl̥, xoj paː jaːstəl: "tam xatl joxi joxətlətn̩ peːla, ox puːʃəxlən aːkarətn̩ aːl̥ aːlʲlʲilajət!"
101 xɔːp nʲol tuːp βuti raxm̩təs muj antum, oβ ɔːləŋ pilip iki moxti βuti eːslm̩təs.
102 xuːt laːpət puʃ jeːl joxli xuːxətlʲijəs.
103 tinsʲaŋ xuβatkema manəs, lɔːjm̩təs.
104 poslaŋ jɔːx, xolija βuti maː kaːl̥mem xuβat juβati, i xuː kulatn̩ lɔːjati!
105 in jɔːx tuːp taːsʲət, isʲi matti sʲit i laːβəl̥sət.
106 oβ ɔːləŋ pilip iki poslaŋ jɔːx peːla xiʃm̩tijl̥: "ox xol tajləti muj antum? xoj at ki tajl̥, jeːlta aːt βul!"
107 xoj ox tajm̩kem xuːjem, i jaːsəŋ at jaːstəs, xuːlm̩ kaːrtijn̩ βosʲkəs; aːt tajm̩kem xuːjem jeːlta sɔːjm̩naja βus paː βosʲkəs.
108 pilip iki nʲuːxməs: "maː jupemn̩ i xuː kulatn̩ juβati! maː xolta puːrm̩lm̩, nin paː sʲi puːrmati! xoj maː jaːsŋema at xuːlətl, moxti joxi kitlem."
109 pilip iki jɔːxlal jeːlpi uːtltəlli: "aːl nuːməsati, tata βɔːʃ luːx xorpikem xuːn! i torn̩ leːr, i βaːrəs nuβ mɔːreməti at raxəl!"
110 in poslaŋ jɔːx pilip iki jupijn̩ keːl iti ɔːlməssət, sʲiti βuti matsət.
111 sʲi βeːr sʲi xasʲəs.
112 min sʲitemn̩ joxi matsm̩n̩.
113 ramkm̩tm̩kemən lɔːrəl xup kutn̩ βeːt kaːjək il loŋəltilajət, nox eːtltilajət.
114 βaːnaʃək joxətsət: kasti jɔːx.
115 sʲanʲa jɔːx poslaŋ jɔːx piln̩ kaslət.
116 poslaŋ jɔːx jaːŋ xuːjn̩ xolʲmaŋ xuːjn̩ i xɔːpa leːlmel.
117 xɔːplal jikn̩ mikra joxətmel.
118 - xuːsʲl sʲi paː xuːrliti βaːnaməs.
119 kaːʃəŋ xuː luβ βeːrəl βeːrti pitəs.
120 xoja mɔːsəs leːr, leːr βuti uːnta manəs; xoja mɔːsəs sʲɔːl naːk, sʲɔːl naːk seːkti manəs.
121 kasr̩liti manm̩kem xuːjem kasr̩liti manəs, kusiliti manm̩kem xuːjem kusiliti manəs, il olm̩kem xuːjem il oləs.
122 leːβman ɔːməsteβ saxat ɔːβ ʃoppi neːmli manm̩təs.
123 maː jupel xuβat uβn̩ potsem: "taxa neːmli, ti jaŋxa saː, maː jaːsəŋ tajlm̩!"
124 luβ moxti kaːreməs, βɔːxsa muj antum.
125 neːmli, ɔːpsa, ɔːpsa leːti!
126 luβ tuːp taːsʲ toβi xuː!
127 xanm̩, matti mɔːsʲ ʃuːp at tajlən? mɔːnsʲa saː, aːt al muj kaːʃn̩ xolal!
128 luβ mɔːsʲti peːramajəl joxtəs.
129 maː jaːstəlm̩: "mosʲ xoti xuːlətti kaːʃ antum. naŋ in luːln̩ jeːməŋ nʲola jaŋxm̩ βeːren potr̥̩lən ki, muj xorpi peːla?"
130 maː insʲəsti sʲi pitsem.
131 manem muj mɔːsəs, insʲəsti isa insʲəssem.
132 i puʃ isʲməsem, luβ manem isʲi matti neːpek luŋətl, isa xolija xanʲa βeːrət potr̥̩səlli.
133 neːmli potr̥̩ti ɔːləŋ sʲi βus.
134 "maː jeːməŋ nʲola meːt ɔːləŋ puʃ matsm̩. jeːməŋ nʲola xoti jɔːx jaxlət, manem tam xatl uːnti sus patlam aːt xorpi uːs, tam xatl at ki jaxsm̩.
135 toxi joxətsuβ, moxti muŋ poslaŋ jɔːx aːtel̥ jira ɔːpsəl̥sajuβ.
136 ɔːləŋn̩ il ɔːməssuβ, kaːʃəŋ xuː solkoβa peːləkn̩ βosʲkəs.
137 jeːməŋ nʲoln̩ muŋ poslaŋ jɔːx neːməlti at βeːr̥suβ, muŋ βeːreβ tuːp ɔːməsti.
138 sʲanʲa jɔːx tut al̥sət, jux seːβr̥̩sət, jik aːl̥sət, leːtot βeːr̥sət, nʲoxi ɔːr̥sət, muŋ jukan ʃaʃkanluβ jar̥sət.
139 muŋeβa i torn̩ leːr, i jux nuβ nʲoxtəti at raxəs.
140 muŋ βeːreβ tuːp talaŋ xatl jɔːʃ luja seːβman ɔːməsti.
141 xoj ɔːməsti taxajəl eːlti jeːʃa ki puŋla nʲoxləl, moxti kaːsʲaləlajən, il ɔːpsəl̥l̥ajən.
142 jik jisʲlən ki, uːmpija paː kat xuːlm̩ kaːrti βosʲkəti mɔːsl.
143 tut eːlti xaxsa ki kuʃməl̥l̥ən, tuta paː nʲal βeːt kaːrti βoʃkəti mɔːsl.
144 muj tuːp nʲoxtəln̩, isa ox mɔːsl!
145 "taːl sʲeːpən jeːməŋ nʲola mantikem antum. maː ɔːləŋ manmemən sʲeːpem sʲeːl oxn̩ kuʃm̩ iti lɔːjəs, in tata sʲi tuːp kat kaːrti xasʲəs. jaːm kuːr̥ laːpkajn̩ aːsʲem xolʲmaŋ solkoβa sʲeːl ox peːltijəs, xuːlm̩ xuːjn̩ xolija aːr taxaja jɔːβlsəlluβ. in joln̩ peːŋka poreməti i nʲaːnʲ pul antum; nʲaːnʲ mujn̩ luːtti oʃ antum!
146 "xaleβət xuːtləl muj antum, in βuli tuːtlʲijm̩ jɔːx moxti sʲi ox kanʃm̩ələt. kaːʃəŋ xuː nʲal-jaːŋ solkoβajn̩ pitsa; mujn̩ sɔːxəptantəti oʃ antum! oβ ɔːləŋ pilip ikilan muj xorpet? kaːβrm̩ nʲaːlm̩ kim taːlti xorpet! at ki ox maln̩, sʲita paː aːtm̩, mɔːsəŋ muləsti pitl. jeːʃa luβ eːltel joβraʃək ki manlən, eːkrəŋ xaleβ xorpi moxti muləsti pitl. mati ot at ki tajlən, luβ muːʃəln̩ eːl saːjen eːŋxa, luβ sʲaːlʲətti βeːr at tajl̥!"
147 maː isʲməsem: "kamən βuli jeːməŋ nʲola tuːtlʲisti?"
148 - "βeːt xattr̩ xɔːpti, laːpət al aːjm̩ kitm̩ βulet."
149 maː paː isʲməsem: "xorm̩ soxlən xolta tuːslən?"
150 - "kat piti laːβm̩ xorpi sox il kur ilpi ikija laːksəlluβ, i sox jiŋka eːslseβ, xuːlm̩ sox nox taxr̥̩suβ. xasʲm̩ soxlal mirn̩ luːtsajət."
151 maː isʲməsem: "xojtət sʲar̥sət i kamən xuː sʲartəs?"
152 - "meːta moltet sʲar̥sət, xasʲ uːl paː xuːskem xuː."
153 - "xoti sʲartm̩ jɔːx jaːstələt?", maː isʲməsem; "βot sɔːra muj aːjlta il pitl?"
154 - "neːmlti βolaŋ oʃel antum, aːr sirn̩ ruβemələt. itlal jaːstələt, βɔːt xaleβət il pitl, tuːxəllal jaːstələt, tam paː xatl il pitl. sʲiti aːr sirn̩ ruβemələt, oʃ antum, xoja eːβəlti. sʲɔːl naːk seːkti xɔːlman manti kuʃ βuʧism̩, mɔːsəŋ xaleβət βɔːt il pitl, manti mɔːsl. malxatl βɔːʃ luːxn̩ muj at tajm̩ xuːjem sʲitl βeːrəs. jeːməŋ nʲoln̩ tuːp talaŋ xatl jɔːʃ kat pal βoʃa nʲɔːrətman ɔːpsa!"
155 sʲiti ruβemm̩emn̩ eːlti uːsʲ aːt xuːtləs.
156 naːj jux tajət palata jis.
157 nox lɔːjəpsm̩n̩, kat xuː kat taxa peːla ʃuːʃməsmən.
158 xatl xɔːʃma jiti saxat isa aːjn̩ aːjn̩ xɔːpət nox kilti pitsət.
159 in βuli tuːtlʲijm̩ jɔːx tuːp seːmlal nox meːneməsət muj antum, juːʃn̩ xoj lʲikməs, aːprapsa ox sɔːxəptəti.
160 xota uβətti xuːjem sʲita uβətl ox kaʃman.
161 put sis xasʲəs muj antum, sɔːjm̩ paː peːləkn̩ sʲiməsʲ sij siməlləs, muβ βolli al kumijəl.
162 in leːti neːm βeːrilijm̩ jɔːx-leːŋket isʲi kurm̩n̩ jaxa aktm̩tm̩ət.
163 xota kuʃ ʃaʃti xuː sʲita kuʃ ʃaʃl ox βɔːxman.
164 ox kanʃm̩əsa.
165 xoj ox tajm̩kem xuːjem, i jaːsəŋ at jaːstəs, moxti kurkəs.
166 tonti tajm̩ xuːjem tontel kurkəs, laːŋki tajm̩ xuːjem laːŋki kurkəs.
167 xoj uːnta eːslm̩ ot tajəs, uːnta eːslm̩ otəla noməs ponəs.
168 xoj muj tajəs, sʲitl mas.
169 xoj uːnta eːslm̩ ot at tajl̥, xolta noməs ponl̥?
170 tuːxəl xuːjem kat jɔːʃŋəlal lɔːjləŋn̩, mujəl mal?
171 tuːxəl xuːjem peːŋka tuːxm̩ti nʲaːnʲ pul at tajəl, mati paː jirasm̩ βeːr sɔːxəptəti?
172 kima uβl̥: "taxa, neːmli, ti juβa, ox sɔːxəpta!"
173 neːmli sɔːrm̩ loβi laːnti putl piln̩ at jeːʧəl, mati paː ox sɔːxəptəti βeːr!
174 at uːjətti xuː jukana i jeːl laːt pulemijəl, sʲiti xasʲ jaːstəl: "jeːln̩ xol̥sʲa ruβemati!"
175 tijel̥ sʲaːsʲilijl̥: "laːnti aːnem lipija paːβəttem taːkli xuːn jilm̩! tam laːnti aːnem xona ki paːβətlem, tam toβi xatl xolatal at sʲaːsʲl."
176 meːt juːxət laːβləsman βeːβli pitsət.
177 neːmli βɔːxti kimet xuː kitsa.
178 kitilijm̩ xuː ti joxtəs, jaːstəl: "neːmli sɔːrm̩ loβi laːnti putəla olmal, βurajn̩ sʲi nox xopitsem."
179 neːmli ti eːtəs, loβatəln̩ laːtn̩ nopitimal, tuːp seːmŋəlal kusʲləŋn̩.
180 neːmli jeːln̩ʃək jitaln̩ oβ ɔːləŋ pilip iki jɔːx peːla jorasʲmanʃək nʲuːxmijl̥: "joxətl kuʃ antum, muj teːβtm̩lal mal!"
181 neːmli nʲuːxməs: "jaː xoti! manem muj peːrətti sʲi loβatn̩ jeːʃaləslən? peːrətti molti tajləti ki, nin lʲaːlʲ teːl aːrat mir nin peːrtaln̩!"
182 pilip iki sʲikemən peːk nʲoxi leːβman xiʃm̩tijl̥: "aːl laːlta tata, muj laːmpa βos xuː! naŋ uːrŋen̩n̩ jaːŋ puʃ pɔːjkasʲman jaŋxa!"
183 neːmli jaːstəl: "muj sʲi loβatn̩ nʲeːrəslən! tajtaŋ sʲi tajtaŋ, xojn̩ at uːjətlajən! manem βos xuːja luŋətlen - βos jɔːx muj tam porajn̩ sɔːrm̩ loβ laːnti put xuːn leːlət? naŋ pɔːtm̩ βoj ʃaʃ βoj porten saxat paː xuː paː xuːn pɔːtm̩ βoj ʃaʃ βoj porəl?"
184 pilip iki xiʃm̩tijl̥: "jaː, mija, mija ox! aːmpət iti aːl xorta! naŋen laːβəlman βeːβli pitsuβ."
185 - "naŋ sʲi βaːtlen, neːməlti at tajlm̩, mujem malm̩! al at ki eːβəllən, luːmtm̩ soxlam peːla kaːsʲləltijaln̩!", neːmli palmanʃək nʲaːkʃilijəl.
186 pilip iki jaːstəl: "xojn̩ nʲaːra eːŋxəssajn̩? ʃeːma ʃoxa luːmətlʲiten?"
187 neːmli jaːstəl: "naŋ mɔːsəŋ tajtaŋ xuː muj xorpi xatl βeːrl̥, sʲiməsʲ sox luːmətlən. naŋen xoti muj ʃuːk? malxatl jeːməŋ nʲoln̩ matti xuːja kat xuːlm̩ nʲoxi pul masn̩, in sʲi jukana muŋeβ ox uːrəŋn̩ aːpr̩lija tuːlen. uːsʲ uːl antum, uːsʲ ki uːs, nik lɔːra lɔːβəlməsn̩, nʲal βeːt xɔːləp il jiŋka kurkəsn̩, xɔːp teːl xul jeːʃa mɔːsəŋ pitəs!"
188 neːmli-leːŋki kuʃ xoti pɔːjkasʲijl̥ tal uːnti laːβəlti, in pilip iki sʲi xuːn xuːlətl: "i jeːl βɔːxəl! at tajlən, paː mija!"
189 meːt juːxət neːmli likasʲəs. neːmli eːl saːjəl laːkeməsli, pilip ikija βosʲkəsli.
190 taː βuji, seːnaŋ eːl saːjem mɔːsl ki. seːnaŋ eːl saːjem tumpijn̩ neːməlti at tajlm̩. mati ot tajsm̩ ki, tata talaŋ xatl lɔːjti uːməsʲ xuːn?
191 sʲi jaːsəŋn̩ pilip iki jaːstəl: "molti porajn̩ paː joxətlən saː maː xosʲema sʲar̥ltəti, maː sʲi porajn̩ naŋen jaːstəti jaːsəŋ tajlm̩!"
192 sʲikemən neːmli βaːna ʃuːʃməs: "manem muj jam βeːrilisn̩? naŋ βeːrm̩ jamlan maː at sʲi βaːtləllam, xol̥sʲa uːllət. naŋ pɔːtltm̩ pɔːtm̩ xalajen tuta sʲi oləl. mɔːstal laːmpa ki, xiri nox! naŋ aːl patijn̩ tuːp tajm̩ xɔːptem xor̥sm̩. toβi xuβat aːta xatla imem ʃuːkəʃ tum-taːka βeːr̥sen, naŋ ʃaʃ βuren ɔːβ eːlti tuːp peːntəs, in neːŋen al jɔːβl̥məsa."
193 pilip iki sʲikem sʲi taːrm̩ aːs keːβ xorpi neːmlti sʲirn̩ βura at eːsələl.
194 meːt juːxət neːmli tuːp tajm̩ laːjm̩ ʃuːpəl βosʲkəs.
195 taː βuji, nʲeːlti ʃeːk molti samen xɔːʃijl̥ ki!
196 oβ ɔːləŋ pilip iki sʲikemən nʲuːxməs: "tam laːjmen̩n̩ xuːn xolʲmaŋ solkoβa lap manla?"
197 neːmli jaːstəl: "samen aːl̥ manl̥! xuːtsi molti paː mosʲatlm̩ ki, paː malem."
198 pilip iki jeːʃa lɔːjlijəs, neːmli laŋkr̩ peːlkəl eːlti xaʧm̩an nʲuːxməs: "xanm̩, uːsʲ joxətti jupijn̩ maː jukanema jaːŋ xɔːləpən xuːtlem at jaxlən mɔːsəŋ xɔːlpiti?"
199 neːmli jeːʃa lɔːjlijəs, nʲuːxməs: "jaxti xoti jaxti! xul βeːlti ɔːprasʲem xuːn nox kiltəlem? saːtanʲem tumpijn̩ leːti mɔːsl taln̩! naŋen xoti muj ʃuːk, jik xul ki at βeːllən? keːβn̩ taːsʲen βɔːt iti marijəl, aːsn̩ lɔːβ taːsʲen mis taːsʲen βɔːt iti marijəl! maː jik eːlti neːməlti jɔːʃa at paːβətlm̩, taln̩ leːlli xalti βeːra jil."
200 neːmli laːjm̩-leːŋkel βosʲkm̩alkemən nʲuːxməs: "taː aktaleŋki mir xuːli! molti porajn̩ xuːlta aːt keːrlələt. xuβ uːllən, βaːn uːllən, molti porajn̩ kaːrti tɔːsəp xɔːt eːlti seːmŋəlan kusʲtijn̩ nopsəŋa juβəntiln̩!"
201 neːmli ʃaʃn̩ kaːremm̩alkemən nʲuːxməs: "naŋ paː naŋ uːla, maː paː maː uːllm̩. βaːn taxajn̩ eːtlʲija, xuβ taxajn̩ peːntilija. tam jaːstm̩ jaːsəŋlam tata aːt xasʲlət!", neːmli eːŋəlmm̩an nʲuːxməs.
202 sʲiti jeːʃasʲtel eːlti naːj loŋti pitəs.
203 sʲiti uːlteβ eːlti paː xatl sʲiti xasʲəs, tam nʲalmet xatl sʲiti xasʲəs.
204 ʃuːkəʃ teːβən laːβəlluβ, laːβəlluβ, βeːβli pitsuβ laːβləsman.
205 peːtra nʲaxilijəl: "teːβna jiti uːnti mɔːsəŋ xalʲlʲiti xojat xalʲlʲijəl, lʲaːksiti xojat lʲaːksijəl."
206 teːβən laːβəlman nʲaːnʲli pitm̩ xuːjem nʲaːnʲli pitəs, nʲoxili pitm̩ xuːjem nʲoxili pitəs.
207 ɔːpsm̩ xɔːpət xosʲa xoj sɔːrm̩ loβ laːt tajəs, sʲi xuː jam uːs!
208 meːt juːxət sɔːrm̩ loβ laːt antuma jis.
209 jaːŋmet xatleβn̩ jeːtna peːlka βɔːtl jeːʃa lajaləs.
210 manti luːp nʲoxtəln̩, luːp - luːp peːlək; xɔːp nʲoxtəln̩, xɔːp - xɔːp peːlək; tonti nʲoxtəln̩, tonti - tonti kaːr; uːl nʲoxtəln̩ - uːl ʃuːp!
211 ɔːpsm̩ xɔːpət xosʲa talaŋ pormas at xasʲəs.
212 jaː sʲi i-xosʲ-jaːŋmet xatleβn̩ βɔːt il sʲi pitəs.
213 isʲi malxatl xɔːr lɔːren isʲi matti sʲeːl βojn̩ ʃɔːʃmm̩.
214 xɔːr lɔːr βolli nori xar xorpi, neːmlti xol̥sʲa sʲuk antum.
215 in jaːŋ xatl leːlli sʲorməltijm̩ jɔːx-l̥eːŋket aːmtm̩ ruβeln̩ sʲarən kurəŋn̩ xuːxətlʲilət.
216 naːj loŋm̩kemən xɔːpət βaːsi olŋas iti nik lɔːra xuβləsət.
217 xɔːr lɔːr peːla βaːntiln̩, xol̥sʲa teːln̩ i βuːlti paːrəʃ aːŋkəl, isʲi matti xɔːr lɔːr aːŋkəln̩ seːŋkm̩.
218 kaːʃəŋ luβ juːʃl peːla manl̥.
219 xoj xuːjem uːsʲa manəs, xoj xuːjem uːsʲ keːʃa laːŋki βɔːʃa manəs, xoj xuːjem lɔːr keːʃa aːs kuːrta manəs, xoj xuːjem luŋ poln̩ βeːlpəslm̩an xasʲəs.
220 ɔːləŋn̩ manm̩ xɔːpət jeːməŋ nʲol saːja peːtsət.
221 juːrlikem xɔːpət xolna xuːr βurn̩ βuratilət.
222 meːt juːxət min nik mantija leːl̥sm̩n̩.
223 maː kat ʃaʃ luːpŋəlam potsəllam, jeːl sʲi lɔːβəlməti βuʧism̩.
224 sʲikem seːm ɔːlŋem sɔːjm̩ pati peːla manm̩təs: nʲal xuː leːlm̩ βeːt lolpi karmas kut eːlti aːjltaje nik sʲi xuβləs.
225 βaːna ʃuːkəʃ laːβəllemn̩, in βeːt lolpemn̩ i lɔːtn̩ tuːp jik taːjn̩ xɔːβijl̥.
226 meːt juːxət laːβləsti βeːβli pitsm̩n̩, uβ sʲi toxel̥ potsm̩n̩: "anta, sʲi xuːn xuːlətl, in xɔːpemn̩ i jeːl ɔːməsl! xoj xɔːp maʃjajn̩ muj oʃl uːl, βaːtti mɔːsl."
227 toxi lɔːβəlti sʲi pitsm̩n̩.
228 min mujkem βaːna joxətlm̩n̩, luβ sʲikem jeːl manl.
229 meːt juːxət sʲiti manteβ eːlti lɔːra eːtsuβ.
230 lɔːr loβatn̩ i βuːlti noβi ʃaʃkan peːlək!
231 xoj xuːjem kaːrteŋ keːl juβətmal, xoj xuːjem juːxl̥ ox piln̩ juβətmal; juβtm̩ nʲɔːlət paslal oxn̩ luːjətn̩ jarm̩ət, juːxəl janlal panʲar keːln̩ jarm̩ət.
232 "xoti muj kulʲ eːlti sʲi loβatn̩ xontalti?", maː isʲməslam.
233 in βeːt lolpi joxanəŋ iki laːβr̥̩n̩ jik sʲaːr palatn̩ ɔːməsl.
234 joxanəŋ iki aːt jik eːlti tontijn̩ laːŋkm̩.
235 jeːʃa potreməsuβ, kat xɔːp kat taxa peːla lɔːβəlməsuβ.
236 joxanəŋ iki luŋ sis luːx jor kuːrta tuːsa, min maʃ oβ kuːrta lɔːβəlməsmən.